Skandall

Það er greinilegt að pólitískt ráðnir stjórnendur Borgarbyggðar hafa gert upp á bak.

Fyrir ári síðan hefði eflaust verið hægt að selja SPM fyrir álitlega upphæð ca 10-20 milljarða, sem hefði gert Borgarbyggð að ríkasta bæjarfélagi landsins per höfðatölu.  Í staðinn þá tekur Borgarbyggð kr 500 milljóna lán á síðasta ári til að auka stofnfé SPM, lánin voru tekin í erlendri mynt ekki gott mál.

Sparisjóðurinn hefur lent í erfiðum gjaldþrotamálum 2ja stórra fyrirtækja í héraðinu en þær skuldir eru líklega til komnar vegna pólitísk þrýstings, sem minnir á gamla tíma fyrirgreiðslu hjá ríkisbönkunum heitnum.

Núna á sama tíma og þetta gengur yfir hefur byggingakostnaður Menntaskóla Borgarfjarðar farið úr hófi fram, verður líklega + 350 millj, Sveitafélagið Borgarbyggð er semsagt að verða ansi skuldsett ásamt því að þeir eru að missa 80% af eign  sinni í SPM í bíttum fyrir ekki neitt.

Þess má geta að formaður stjórnar SPM er einnig varaformaður stjórnar Menntaskóla Borgarfjarðar. Þess má einnig geta að Formaður bygginganefndar Menntaskóla Borgarfjarðar er í stjórn SPM.  Pólitík og peningar fara greinilega illa saman.

Á endanum eru það íbúar Borgarbyggðar sem þurfa að tæma vasana fyrir þessa vitleysu.

Kaupþing með 70% eignarhlut í SPM?

Athugasemdir

[Landfari, 1.8.2008 kl. 13:29]

Það er ekki flókið að sjá það núna að það hefði borgað sig að selja öll bréf í fjármálastofnunum fyrir ári.

Þetta er svo borðleggjandi dæmi núna en gallin er að það var það ekki þá.